Լուրջ կարողություն կուտակելը միայն նավթային մագնատների և լուրջ գործարարների մենաշնորհ չէ: Պարզվում է, որ լավ ժամանցի պատասխանատուները ևս կարող են իրենց դա թույլ տալ: Տվյալ դեպքում խոսքը դիջեյների մասին է: Այս մասնագիտության տեր մարդիկ նույնիսկ առաջին անգամ հայտնվել են Forbes ամսագրի ցուցակներում:
Ականջակալների և սկավառակների միջոցով գումար վաստակողների ցուցակում առաջտարը հոլանդացի Տիեստոն է, ով անցյալ տարվա ընթացքում վաստակել է 22 մլն դոլար: Մեկ ելույթի համար նա միջինը ստանում է 250 000 դոլար: Մեծ գումարներ վաստակելու՝ Տիեստոյի հաջողությանը նպաստել է նաև Կալիֆոռնիայում ընթացող Coachella Valley Music and Arts Festival-ին որպես առաջատար դիջեյ հանդես գալը:
Երկրորդ տեղում է ամերիկացի 24-ամյա Սկրիլեկսը, ով 2011 թ. վաստակել էր 12 մլն դոլար: Այս դիջեյը հայտնի է իր սանրվածքով և անցյալ տարի ստացած երեք «Գրեմմի» մրցանակներով:
Եռյակը եզրափակում է Swedish House Mafia դիջեյների խումբը, որը 2011 թ. վաստակել է 14 մլն դոլար: Չնայած այս ամենին երիտասարդները լրագրողներին հայտարարել են, որ նախատեսում են դադարեցնել իրենց գործունեությունը, քանի որ ստեղծագործական փակուղու առաջ են կանգնած:
Ֆրանսիացի դիջեյ Դևիդ Գետտան անցյալ տարի աշխատել է 13,5 մլն դոլար:
Հաջորդը 34-ամյա ամերիկացի դիջեյ Սթիվ Աոկին է, ով անցյալ տարի ունեցել 12 մլն դոլար եկամուտ:
Ամենաբարձր վարձատրվող դիջեյների շարքում «ամենաաղքատը» շվեդ Ավիչին է: Նա մեկ տարվա ընթացքում վաստակել է 7 մլն դոլար: